個人檔案sylvia相片部落格清單更多  |  工具 說明 |
sylvia*花火* 原来风雪可以使我坚壮使我坚强,假使敢梦与想,假使天真地唱,我也会笑容漂亮...... |
|||||||
|
5 September 每年夏天指定节目每年夏天的指定节目----长隆水上乐园, 今年都唔例外, 不过, 为咗晚上的饭局, 不得不下午去, 结果, 晒到变咗个摩咯叉咁. 而且, 遇上暑假, 成个乐园都人山人海, 想玩激D的大喇叭、喷射滑道之类就根本无可能, 好彩, 都勉强排到合家欢滑道同埋大滑板滑道. 其余大部分时间都系喺造浪池同漂流河度, 坐住浮圈漂下漂下咁都真系几舒服, 但系, 不知不觉就晒窿咗了......
平时, 见到好多人游水就会觉得好似喺度煮饺子, 点知, 自己都变咗其中一只饺子...... 1 September 终于搵到啦~~~系黄伟文的<俗>, 几经辛苦终于搵到呢本书, 兴奋程度难以形容.....
打开邮包, 哇, 第一感觉系: 本书的封面好华丽, 即系好姣, 哈哈. 睇完第一篇<可惜我是Miranda>已经俾它吸引住不能自拔, 感觉三个字: 好抵死. Y文的文字贴近生活得嚟又"俗"得很有意思, 最重要系好有幽默感, 几乎系一路睇一路傻笑. 而他写的嘢抵死之处仲在于有种小女人feel, 有人形容为"比男人细腻, 比女人放纵", 果然果然.....
继续搜集Y文的<朝骚><第一本时装书><生于天桥底><Y>...... 18 August 短发今日抽起条筋剪短左D头发。原本唸住系咁意剪D就算了，点知真系剪到好短，应该系讲自从高中之后都未试过咁短，有D唔系好惯。。。。
翻到屋企连妈妈都吓左一跳，她话唸起我以前细个读幼儿园的时候，话说有一次带我去剪头发，系将D长头发剪到变成短头发，点知剪完之后我就喊到收唔倒声，一直叫住“快D帮我黐翻它，快D帮我黐翻它。。。”仲唔肯翻幼儿园添。。。。。。
细个真系好~~~~ 3 August 收到的三本书今日收到当当网的三本书：《追风筝的人》《你在天堂里遇见的五个人》《原来你非不快乐》。当中最想睇的是林夕的《原来你非不快乐》，所以即刻将梁文道的《我执》放埋一边先  。不过仲有一本书好想睇，系黄伟文的《俗》。。。仲稳紧。。。。28 July 《保持爱你》Love connected（2009）等到颈都长埋，《保持爱你》今日终于系广州上画了。睇完有少少失望，感动位好似无乜，反而更加似系笑片，不过又真系几搞笑，几乎由头笑到尾
 。又可能系由于里面的男主角都几骑呢，所以有D失望，特别系果个冷衫男，只要一见到他着住件冷衫出场，我地就已经笑到傻左，睇嚟我地一D都唔浪漫。“爱情是曾经相爱，却互相嫌弃；
爱情是朝夕相见，却视如陌路；
爱情是先试后爱，却恨错难返；
难道爱情都是自讨苦吃？”
“愿时光保持不变，让我爱你依然。”
【我爱你很多】
谁问我 谁劝我 我并没有不快乐
日子没有不同 在你 离开以后 我没哭 我没说 伪装自己的沉默 回忆是一段影片 我独自看完又从头 我爱你很多 多到不怕寂寞 多到忘记了时间 远走了 却没带走我 我想你很多 所以才选择守候 我们坚持过 到现在 我还是记得 爱你很多 谁问我 谁劝我 我并没有不快乐 自己好好地过 也对得起你了 那一刻 两个人 永远不会再来过 爱情是一条虚线 我们在不同的段落 我爱你很多 多到不怕寂寞 多到忘记了时间 远走了 却没带走我 我想你很多 所以才选择守候 我们坚持过 到现在 我还是记得 爱你很多 我爱你很多 多到不怕寂寞 多到忘记了时间 远走了 却没带走我 我想你很多 这些话始终没说 如能再问候 请给我 理解的笑容 我爱你很多 27 July 最近翻煲叶念琛的戏。。。钟意叶念琛的爱情片，因为够真实，虽然随之而来的就是残酷同心痛，但呢D就正正系现实生活中的故事，系有别于童话世界里面的爱情故事。你可以话他的戏好肤浅，因为来来去去都系围绕身边的情情塔塔，但系他就令我地从另一角度去睇到爱情的真实模样，而他每一出戏的结局就更加耐人寻味，呢个亦都系我钟意睇的原因。
《独家试爱》Marriage with a fool (2006)
“钟意？你觉得可以钟意几耐呢？爱情...系有期限的。”
“我做再造纸，因为我钟意重新嚟过的过程，你以为D无用的报纸，可以造张干干净净的新纸，其实做人都一样，过去的事，唔系一定要带到将来的。”
“你当我系咩啊？手提电话旧电啊？钟意就攞出街，唔钟意就摆系屋企叉。”
“爱情同做人一样，只要做好眼前呢一步就已经系最好了。”
《十分.爱》Love is not all around (2007)
“呢个世界，咩都系掩眼法。你睇到既未必系真；真既野，你又无咁好彩睇得到。”
“有无人同你讲过，两个人相爱系唔会讲对唔住，因为无论点，大家都会原谅对方，当你同距讲对唔住，你已经唔爱距了。”
“阿宝，你一定会有报应的，你咩人都唔信，你唔会有真爱的。”
“D臭男人净系知我地条底裤摆系边，永远唔知我地条底线摆系边，成日想挑战我地的极限。”
“我唔讲，你唔会知；到你真系知，我咪唔否认咯。”
“爱情只系一场游戏，你厄我，我厄你。”
“你以為你自己赢咗，其实输既系你。”
《我的最爱》L for love, L for lies（2008)
“就好似个电脑一样，"我的最爱"就有好多，钟意既就keep，唔钟意既就delete。”
“点解你对我咁好啊？”“因为我唔识点对你唔好咯。”
“就系大家都当大家系后备，好多野得过且过，如果真系拍拖既话，咩缺点都会见到晒，大家未必顶得顺。”
“有时有D野唔讲，丢淡左就无机会嘎了。”
“你好Q啊，你好蠢啊，你好Q蠢啊。”
《亲爱的》Forgive and forget (2008)
呢出戏好恐怖，唔敢再睇翻。除左讲鬼果part恐怖之外，人心里面的鬼更可怕。
《保持爱你》Love connected（2009）
呢出未睇，好想睇。。。。。
25 July 赎罪一样的情节，不一样的角色。。。
很讽刺吧？！
有时，真的要切身处地才能感受得到。。。
原来当时他/她是这样的。。。
上天原来是很公平的，会让每个人都有机会体会对方的感受。
那是赎罪的一种方式吧？！
所以，若不想被惩罚，请不要做坏事。
害怕悲剧重演我的命中命中 越美丽的东西我越不可碰 历史在重演这么烦烧城中 没理由相恋可以没有暗涌 其实我再去爱惜你又有何用 难道这次我抱紧你未必落空 仍静候着你说我别错用神 什么我都有预感 然后睁不开两眼看命运降临 然后天空又再涌起密云 9 June I'm back~~~~My dear friends, 我终于都翻黎GZ啦, 好开心啊! 熟悉的环境, 亲切的面孔, 就连吸一啖气都觉得清新D嘎, 哈哈。。。。好挂住GZ的一切一切。。。。讲到有D似放监
 。。。。23 May 数到三你知道 "数到三" 是怎样数的吗?
一, 一的一半, 一的一半的一半, 一的一半的一半的一半, 一的一半的一半的一半的一半, 一的一半的一半的一半的一半的一半......
二, 二的一半, 二的一半的一半, 二的一半的一半的一半, 二的一半的一半的一半的一半, 二的一半的一半的一半的一半的一半......
.
.
.
永远不要数到三, 好吗?
15 March 转瞬即逝成4个月无写blog了, 今日睇翻先发现原来有几篇野都系draft queue度, 开左个头就无写落去了. 人好懒, 思想好乱, 可能我又需要DD改变了......
今晚上土豆睇左<最美丽的第七天>的大结局, 虽然一早知道个结局系点, 但是当阿恩生完BB入手术室做手术的时候都系忍唔住喊左. 我喊并唔系因为觉得他们惨, 只是有样野觉得好无奈, 点解有的人千辛万苦, 排除万难就系为左要同心爱的人系埋一齐, 但更多的人却总是轻易地让随手可得的幸福从身边流走. 又或者正是由于得来不易, 才会懂得珍惜, 太容易得到就变得无意义了. 坦白讲, 我也是属于后者, 应该说大多数人都是属于后者, 所以才显得前者的难能可贵. 幸福就好象流星一样会转瞬即逝, 当你站在十字路口徘徊之际, 它已经离你而去, 你只能回头望望它的背影, 让它成为你回忆的一部分, 就这样而已. 17 November 这么近, 那么远距离和感觉往往是成反比的
有的人明明就在你身边
却反而感觉好陌生, 好缥缈
仿如隔着整个世界
有的人与你相隔遥远
但是却感觉好实在, 好亲切
就好似时时刻刻都在你身边
原来心里面的距离比现实的距离更可怕
5 November 今晚, 觉得好冻~~~~听讲冷空气已经过左, 气温开始回升了, 但是, 今晚我觉得好冻......
系电视度经常睇到D甘的剧情, D奄奄一息的人通常会因为抱着一丝的希望和信念而坚持落去, 但是当呢份信念消失的时候, 他们就会放弃了. 唔知道现实系米真系会甘既呢?
今晚虽然觉得好冻, 但是有松一口气的感觉, 是因为我的信念消失了吧?!!
冲左个超热的热水凉, 去睡觉吧, 睡醒了明天就是一个新的开始, 要出去晒晒太阳......
 14 August 改变, 在刚刚满一年后......转眼间过黎深圳已经一年了, 回想起一年前的决定, 觉得好多野都系冥冥中注定的, 就好似有野系背后推住你行的感觉. 或者, 人生本来就系已经被编排好的, 到了某个阶段, 到了某个时间, 你会缪然做出某D决定, 该发生的就自然会发生, 也就是这样而已......
改变, 也恰恰发生在刚满一年后. 要放开熟悉的工作去接触新的事情, 是机会?是挑战?是苦差?还是背后有其他原因? 我不知道, 也不想想太多, 我只知道既然答应了就要认真去做......
唔知道一年后又会有D咩野改变呢? 唔通呢D都系命运的安排?
22 July 7月18日 - 长隆欢乐世界&长隆水上乐园今日抽起条筋, 去左长隆玩.
坐左两个钟头巴士从深圳到番禺客运站, 再转的士到长隆欢乐世界, 点知有D失望, 无想象中甘好玩. D GAME 好极端, 一系就系好激, 一系就净系岩小朋友玩. 我地净系玩左摩托过山车同两个会湿身的水上GAME, 着住一次性雨衣都仲搞到条裤湿晒. 无野好玩于是五点几就走左了.
于是转战长隆水上乐园. 今次就无失望啦, 真系好好玩, 样样都新奇刺激, 不过最可惜的就系我地成七点先入去, 唔够时间玩, 而且好玩的都好多人排队, 所以玩唔到最想玩的大喇叭. 迟D一定一定要再去, 从早上九点玩到晚上九点, 样样都要玩晒!!!!!
30 June 新形象登登登登, 终于转左个新look了...... 不过就唔系之前想整的蘑菇头, 反而系电左.
话说今日去到小北AC, 第一次见到Eminem的时候他岩岩洗紧头, 包住个头走出黎, 个样有D搞笑, 不过睇得出他白白净净都几靓仔, 而且就算包住个头都仲好耐心甘坐系我隔离问我想点样剪, 仲俾左好多意见. 最后我决定听他的建议剪短D电左它, 不过就紧张死了.
洗完头, Eminem又拿左本书过黎, 问得好详细我想要咩效果, 跟住他就讲左一句:" 我林我get到你想要D咩了." 但系我仲系好担心唔知他真明定假明. 剪下剪下他突然讲:" 今日落甘大雨, 之前book左D人都未黎, 一阵我亲自帮你电啊." 哇, 好开心啊, 竟然会亲自整. 结果他真系好好心机甘帮我一个一个卷慢慢整, 而洗头果个反而净系系隔离帮手. 整左4个几钟, 终于整好了, 对于一直都系长直发的我黎讲, 真系好大改变. 开心的系他真系整到我想要的效果, 好少讲野的他一直系度讲他好少会亲自整, 效果连他自己都好满意. 最后仲教左我好多之后要点样打理, 他真系好认真同埋好鬼死nice啊!!!!! 虽然坐左成个下昼, 坐都腰骨都直埋, 不过好值得喔! 我决定以后都会转去小北果间AC稳他帮我整头发噶啦. 27 June 大喊包由细到大我都系一个大笑姑婆, 成日都好中意笑, 仲要系大大声甘笑. 不过, 发觉自己唔知由几时开始变得好容易喊, 特别系系呢度一个人的时候. 但系呢种喊唔见得系唔开心的喊, 反而系变得好容易感动. 可能系因为煲碟煲得多的关系, 成日睇到眼湿湿, 第二日又变左只熊猫.
不过, 我始终觉得人系唔应该掩饰自己的情感, 想笑就笑, 想喊就喊, 无乜大不了. 所以, 我会继续大大声甘笑, 大大声甘喊....... "如果想快乐做人 请敲敲你心"
12 June 曱甴大战可能最近风雨太多, D蛇虫鼠蚁开始唔安分了. 寻晚12点几准备训觉的时候, 突然发现一只曱甴系电脑台下面, 手忙脚乱之余即刻那起支杀虫剂喷它, 点知畀它走甩左. 因为唔知它走左去边, 又已经喷左唔少杀虫剂, 唯有希望揾到它的尸骸会训得安心D. 跟住慢慢搬开晒D野去揾, 点知乜都揾唔到, 就顺便抹过晒D野, 搞下搞下原来已经成2点, 哎, 唯有说服自己只野已经走左出屋外面, 执翻好D野训觉了.
成晚都训得唔好, 好惊只野未走会爬上张床度. 今朝一早起身, 用杀虫剂喷过晒屋企D角落先至返工, 希望唔好再有蛇虫鼠蚁出现系我屋企!!!!!!超级讨厌的野!!!!!!!! |
|
|||||
|
|
